LEVEL 69 - PAREHONG KULAY NG RUSKAS
dapat ay aking mapag-ugnay
ang magkakaparehong kulay
ng ruskas sa bawat turnilyo
kung laro'y nais ipanalo
kulay kasi'y magkakaiba
may asul, lunti, lila, pula
ang panuntunan lang ay simple:
magkakulay ay magkatabi
dinawnlod ko ang ganitong app
nang maehersisyo ang utak
sa libreng oras nilalaro
bakasakaling may mahango
turnilyo't ruskas ay mag-partner
kaya walang sinumang ander
lohika dito'y pangunahin
pulso'y naeehersisyo rin
- gregoriovbituinjr.
09.21.2024
* litrato mula sa app game na NutsSorter
Walang komento:
Mag-post ng isang Komento